Kralendijk – TELBO e kompania di telekomunikashon Boneriano ta sigui hasi kos grandi pa Boneiru. Den luna di novèmber TELBO a hasi diferente kos pa bo i pa Boneiru.
TELBO FIFA 23 CUP
Na kuminsamentu di novèmber TELBO a organisá un tremendo gaming event bou di e nomber “TELBO FIFA 23 CUP”. Kaminda 32 “gamers” a partisipa pa e titulo maksimo. Durante 1 siman largu e “gamer” nan a kompetí ku otro na ofisina di TELBO hungando e wega di FIFA 23 via di e sistema di Playstation 5. Organisando e aktividat aki, TELBO ta duna su aporte na nos hobennan di forma ku nan por rekreá sano huntu ku otro. Djasabra 12 di novèmber den kura di TELBO tabatatin final di “TELBO FIFA 23 CUP”, ku un tremendo ambiente. Kaminda Foyan Boys, Dj Marvv i Dj Kiart a entretené tur presente. Aimed Ayubi tabatin un tremendo narashon di e partidonan final, poniendo tur presente sinti manera ku ta un partido di futbol real tabata tumando luga.
E kampion invikto di TELBO FIFA 23 CUP a resultá Nelbert Anthony, ku a gana un gaming chair i un Amazon Fire 10 tablet. Sub-kampion a resultá Raymond Bonifacio ku a gana un JB waterproof speaker i un Amazon Fire 10 tablet. Na di 3 lugá a keda Rayvin Bart ku a risibí un JBL gaming headphone i un Amazon Fire 10 tablet. Durante e anochi TELBO a rifá diferente premio pa tur presente.
Premio aktividat di pintamentu
Den luna di novèmber TELBO a saka ganador di e bunita pinturanan ku tin riba e edifisio di TELBO. Shete skol basiko a demostrá nan arte riba TELBO su edifisio algun tempu pasa. Durante e anochi final di e gaming event e publiko presente a skohe e pintura faborito por medio di gritu. E skol ganador ku a skor mas altu riba e meter di decibel a resulta Skol Amplio Papa Cornes. TELBO ta gradisi tur e shete skol nan pa e bunita artenan, Skol Amplio Papa Cornes, Kolegio Kristu Bon Wardador, Kolegio San Luís Bertrán, Kolegio San Bernardo, Basisschool De Pelikaan, Basisschool Aquamarin i Het Koraal.
Mundial Qatar 2022
Manera ta konosí Mundial Qatar 2022 a kuminsá den luna di novèmber i TELBO e kompania di telekomunikashon Boneriano a hasi posibel pa tur kliente di MiTV por disfrutá di e partidonan di futbol den 4 diferente idioma, Papiamentu, Hulandes, Ingles i Spaño. Tur persona ku ainda no tin nan schedule di mundial por pasa na TELBO i buska un schedule, pa informashon di e ultimo partidonan di mundial 2022.
Buki Ian ku Ale den kunuku di Tachi Momón
Den luna di novèmber TELBO a saka ganador di e bunita pinturanan ku tin riba e edifisio di TELBO. Shete skol basiko a demostrá nan arte riba TELBO su edifisio algun tempu pasa. Durante e anochi final di e gaming event e publiko presente a skohe e pintura faborito por medio di gritu. E skol ganador ku a skor mas altu riba e meter di decibel a resulta Skol Amplio Papa Cornes. TELBO ta gradisi tur e shete skol nan pa e bunita artenan, Skol Amplio Papa Cornes, Kolegio Kristu Bon Wardador, Kolegio San Luís Bertrán, Kolegio San Bernardo, Basisschool De Pelikaan, Basisschool Aquamarin i Het Koraal.
